三國之見龍卸甲

同卡路睇左三國之見龍卸甲
初頭睇時覺得不錯, 打鬥場面幾好
關羽造型一流, 曹操個奸樣都好正
睇到後來就覺得打鬥場面fing 得太多, 有時太亂了
而曹嬰就令人不得不諗起三國無雙… 冇咁投入了
到結尾覺得個收得不太好, 而張地圖所帶出黎既意思就比較一般 (還是我get 錯了?)
回到家中, 因為小弟由細到大都唔睇有關三國既野
於是上wiki 查一下趙雲既生平
發覺戲同史實相差得太遠
不免又扣多一點分數, 最後大約有 3.5/5 吧

講起黎, 唔知點解, 要搵人出黎演趙雲的話, 好易會諗起劉德華
(據說是因為以前三國遊戲中既趙雲圖像被製成"疑似“劉華ICON…)
所以覺得劉德華都做得幾似趙雲的
不過另一方面, 劉德華無論演咩角色都太劉德華了
係我眼中, 成套戲由頭都尾入面果個都係一個做扮緊趙雲既劉德華, 而唔係一個趙雲
呢一點, 可能都係另我越睇越唔投入既原因吧~